Мектеп асханаларын жаңғыртып, балалардың дұрыс тамақтануын қамтамасыз ету «Нұр Отан» партиясының жаңғырту аясында қолға алған жаңа жобаларының бірі. Осыған орай өңірімізде мектептерге мониторинг жүргізу жұмыстары қолға алынды.
Жоба аясында құрылған арнайы ведомствоаралық сараптама тобының отырысында осы мәселелер талқыланды. Топтың құрамына партияның, білім беру, денсаулық сақтау органдарының, «Атамекен» ҰКП аумақтық бөлімінің өкілдері және мәслихат депутаттары, ата –аналар енді. Бүгінгі басқосуда бір типті өнімдерден бас тартып, мектеп асханасының мәзірін түрлендіруге мән беру, санитарлық нормалар мен білім беру мекемелеріндегі ережелердің сақталуын жүйелі бақылау, сөйтіп асханалардың жоғары деңгейде жұмыс істеуін қамтамасыз ету жайы сөз болды.